Legenda:
Alina Meier
RTR, Andreas Wieland
Alina Meier è ida ad Oberstdorf a la partenza en la cursa da sprint (45avla) ed en la cursa da staffetta (7avla).
Jau sun ma legrada fitg da questa selecziun. Igl è senz’auter il punct culminant da la stagiun.
audio
La passlunghista Alina Meier e sia premiera als campiunadis mundials
ord Actualitad dals 04.03.2021.
laschar ir. Durada: 2 minutas 59 Secundas.
Malgrà ch’ils campiunadis mundials ad Oberstdorf èn stads sut l’ensaina da Corona è Alina Meier sa sentida bain en l’Allgäu. Ils fans manchian, ma l’atmosfera entaifer l’equipa saja grondiusa, principalmain suenter che las duas collegas d’equipa Nadine Fähndrich e Laurien van der Graaff hajan pudì gudagnar ina medaglia en il sprint d’equipa, uschia Alina Meier.
Legenda:
Alina Meier cun il numer 7-4 sa legra ensemen cun Lydia Hiernickel e Nadine Fähndrich da lur prestaziun en la cursa da staffetta.
Keystone
La devisa è uss da far pass per pass enavant. Suenter avair pudì fufragnar l’aria ad in eveniment grond cun l’elita spera la giuvna da Tavau uss sa chapescha era, ch’ella possia ir a la partenza en in onn als proxims gieus olimpics a Peking.
