La gievgia saira ha il FCB gudagnà cunter Trabzonspor, ed è uschia sa qualifitgà per ils otgavelfinals. Cun trair la sort han ils da Basilea survegnì Slovan Bratislava sco adversari. Cunter il club slovac ha il FCB gia dà en la fasa da gruppa.
En ils dus duels cunter il campiun slovac Slovan Bratislava è il FCB restà senza victoria (0:2 e 3:3). L'emprim gieu ha Basilea ils 9 da mars a chasa, il gieu da return è in'emna pli tard.
