Ilka Stuhec gudogna la cursa rapida dal final da la cuppa mundiala a Soldeu. L'anteriura campiunessa mundiala da la Slovenia è stada ina mesa segunda pli sperta che Sofia Goggia. Che la taliana gudogna la culla da cristal da la cursa rapida era gia cler avant la cursa finala. Goggia gudogna gia per la quarta giada questa culla.
- Ilka Stuhec (SLO) 1:30, 35
- Sofia Goggia (ITA) +0,51 secundas
- Lara Gut-Behrami (SUI +0,81 secundas
Podest per Gut-Behrami, premiera per Grob
Lara Gut-Behrami vegn terza ed è cun quai stada la meglra da las set Svizras, che han pudì ir a la partenza. Las autras sa plazzan tranter plaz 13 e 17. La campiunessa da las junioras Stefanie Grob ha pudì far ses debut en la cuppa mundiala, ella vegn 22avla.
- 3. Lara Gut-Behrami 1:30,35
- 12. Joana Hählen +1,29 secundas
- 13. Corinne Suter +1,34 secundas
- 14. Jasmine Flury +1,40 secundas
- 16. Michelle Gisin +1,74 secundas
- 17. Priska Nufer +1,82 secundas
- 22. Stefanie Grob +3,53 secundas
