Siglir tar il cuntegn

Header

cuntegn

Ditg giu pervi da tschajera Nagin super-G da las dunnas

Er durant il segund di dal campiunadi mundial na datti nagina cursa. Tschajera amez la pista impedescha da manar atras il super-G da las dunnas.

ppurtret cun blera tschajera.
Legenda: Tschajera sin la pista dal super-G a Cortina d'Ampezzo. Keystone

Oriundamain avess la cursa gì da cumenzar a las 13:00. Curt avant il cumenzament dal super-G ha la tschajera dentant chattà la via sin la pista a Cortina d'Ampezzo. L'emprim han ils organisaturs anc empruvà da spustar la partenza plinengiu. Cunquai che la tschajera è dentant vegnida pli grossa n'èsi er betg stà pussaivel da manar atras la cursa davent da la partenza da reserva.

Il super-G vegn prendì suenter gievgia. Uschia stattan lura duas cursas sin il program: Sper il super-G da las dunnas era anc il super-G dals umens. Las duas cumbinaziuns spustadas vegnan omaduas manadas atras proxim glindesdi.

Las Svizras che fissan stadas en acziun en il super-G

  • 2 Priska Nufer
  • 7 Lara Gut-Behrami
  • 9 Corinne Suter
  • 16 Michelle Gisin

RTR novitads 14:00

Artitgels legids il pli savens