Siglir tar il cuntegn

Header

US Schluein Glion
Legenda: La runda d'atun n'è betg ida sco giavischà a l'USSI. Uss vegn dentant mirà enavant cun optimissem. mad
cuntegn

Facit runda d'atun Equipas rumantschas han da cumbatter

Cun excepziun dal CB Trun/Rabius n’è betg ì tut sco giavischà tar las equipas rumantschas en 2. e 3. liga durant la runda d’atun. Vinavant cun il campiunadi da ballape vai lura puspè la fin mars 2021.

audio
Bilantscha mediocra suenter runda d'atun tar las equipas rumantschas da ballape
aus Actualitad vom 15.11.2021.
abspielen. Laufzeit 4 minutas 29 Sekunden.

L’US Schluein Glion ha gudagnà in sulet gieu en questa runda d’atun e sa chatta uschia suenter la mesadad dal campiunadi a la cua da la tabella. Dapi che l’Uniun ha spedì la fin d'october il trenader Mate Lekishvili ha il club bain mussà intgins signals positivs durant ils davos gieus, mo miraclas n’ha er il nov trenader Corsin Cavegn betg pudì far, oravant tut betg quai che pertutga ils resultats. Cun Marino Cavegn e Rafael Deplazes survegn l’USSI uss rinforzament. Ils dus giugaders ch’han il potenzial da muentar insatge a Crap Gries midan sin la runda da primavaira da Cuira 97 tar Schluein Glion.

Be Trun/Rabius ha persvadì

Er a la cua da la tabella sa chatta il CB Lumnezia en la 3. liga regiunala. Ils Lumnezians han schizunt gudagnà be in punct en 11 gieus da campiunadi e sajettà sulet 4 gols. Il grond dilemma tar Lumnezia; la mancanza da giugaders e giugaders blessads. Uschia n’èsi strusch pussaivel da sa tegnair en ina terza liga. Encunter la relegaziun cumbatta er il CB Surses en sia emprima stagiun insumma en 3. liga. Ils da Surses han dentant mussà prestaziuns solidas e pon uschia ir en la pausa d’enviern cun ina reserva da quatter puncts sin in plaz da relegaziun.

Avair da far nagut cun la relegaziun u cun ina quarta liga vul il CB Trun/Rabius, la terza equipa rumantscha en 3. liga. L’equipa da la Cadi sa chatta suenter la mesadad dal campiunadi amez la tabella. La finamira è da terminar il campiunadi tranter las tschintg fermas equipas, quai ch’è er realistic cun quest cader.

RTR actualitad 12:00

Artitgels legids il pli savens

Scrollar a sanestra Scrollar a dretga