Il retg da la lutga Joel Wicki ha gudagnà l'emprima festa da cranz da muntogna da la stagiun sin il Stoos. Per il lutgader da l'Entlebuch è quai la quarta victoria sin il Stoos suenter il 2017, il 2019 ed il 2021. La lutga finala ha Wicki gudagnà cunter Mike Müllestein suenter quatter minutas.
Ils frars Curdin ed Armon Orlik gudognan omadus in cranz. Curdin vegn quart ed Armon 6avel.
Stucki prenda cumià cun victoria
Tar la Festa da lutga da la regiun dal Lai da Bienna ha Christian Stucki pudì festegiar in cumià tut spezial dal sport. El ha gudagnà la festa ed uschia terminà la carriera sco victur. Il Bernais da 37 onns è ina dals megliers lutgaders da l'istorgia, dal 2019 è el vegnì retg cun la victoria a la Festa da lutga federala.
