Siglir tar il cuntegn

Header

video
Berna gudogna l'ultim ticket da playoffs
Or da Sport-Clip dals 11.04.2021.
laschar ir
cuntegn

HCD perda cunter SCB Per il club da hockey da Tavau è la stagiun a fin

Il HCD ha pers la partida decisiva dals pre-playoffs cun 0:3 encunter Berna, e perda uschia la seria da best of three cun 1:2.

Suenter la victoria dal venderdi saira avev’ins l’impressiun ch'il Club da hockey da Tavau fiss enavos en la seria. Il HCD aveva gudagnà la segunda partida da la seria da pre-playoff cun 3:0 encunter Berna ed ha uschia sfurzà ina terza partida decisiva. Cun il schlantsch da la victoria da l’ultim gieu è il HCD alura era partì en il gieu decisiv. A l’equipa grischuna n'èsi dentant betg reussì in gol. Malgrà che Tavau ha pudì trair bler pli savens sin il gol da Berna ha Toni Karhunen en il gol dal SCB parà tut ils tirs.

audio
Trenader Christian Wohlwend davart fin da la stagiun
00:25 min, Actualitad dals 12.04.2021.
laschar ir. Durada: 00:25 minutas.


Malgrà schanzas nagins gols

Er en il segund terz era il HCD pli activ, quai che pertutga il trair sin il gol. E sco durant las emprimas ventg minutas n' ha Tavau betg pudì far in gol. Auter il SC Berna. Vincent Praplan ha facilità cun ses emprim gol la victoria. Era suenter l’emprim gol dal giast n'ha Tavau betg pudì reagir, e Berna ha dà vinavant uschia sco fin uss. Il segund gol per ils Bernais è lura crudà diesch minutas avant la fin. Ed alura ha il gieu prendì il gir ch'ins spetgava. Il HCD ha stuì empruvar da giugar anc in zichel pli offensiv. Era quai n'ha betg purtà il success. Varga duas minutas avant la fin era il trenader Christian Wohlwend quasi sfurzà da prender il goli Sandro Aeschlimann or dal gol. Ed alura è gartegià a Berna anc il terz gol, la decisiun.

audio
Capitani Andres Ambühl, nua stat il HCD
00:23 min, Actualitad dals 12.04.2021.
laschar ir. Durada: 00:23 minutas.


RTR actualitad 06:00

Artitgels legids il pli savens

Scrollar a sanestra Scrollar a dretga