Dal turnier da hockey als gieus olimpics a Peking na vegnan nagins giugaders da la NHL ad esser da la partida. Il directur dal team naziunal, Lars Weibel ha confermà rapports da medias. Ina communicaziun uffiziala da la NHL manca anc.
La raschun è corona
La raschun sajan las cifras da corona che s'augmentian ed ils gieus da la NHL che stoppian vegnir spustads. Gia dals gieus olimpics a Pyeongchang il 2018 avevan ils giugaders da la NHL mancà.
