Siglir tar il cuntegn

Header

video
La davosa cursa en la carriera da Carlo Janka
Or da Sport-Clip dals 15.01.2022.
abspielen. Laufzeit 2 minutas 34 Sekunden.
cuntegn

Lauberhorn 2022 Carlo Janka ha dà adia a Wengen

Uss è ella a fin – la carriera da Carlo Janka. Per ina davosa giada è il skiunz da Sursaissa sa mess a la partenza en ina cursa da la cuppa mundiala. Quai al classicher, la cursa rapida dal Lauberhorn ch’el ha gudagnà il 2010.

audio
Carlo Janka ha prendì cumià dal circus da skis a Wengen
aus Sport ed actualitad vom 15.01.2022.
abspielen. Laufzeit 2 minutas 12 Sekunden.

Carlo Janka è partì en questa davosa cursa cun ina chapellina dad aur. Dad aur è er stada sia carriera. El è il sulet skiunz svizzer dasper Pirmin Zurbriggen ch’ha gudagnà il «triple», vul dir daventà campiun mundial e campiun olimpic e gudagnà il classament general da la cuppa mundiala ed uschia la rucla gronda da cristal.

audio
Quai èsi stà – sguard enavos sin la carriera da Carlo Janka
aus Sport ed actualitad vom 15.01.2022.
abspielen. Laufzeit 5 minutas 18 Sekunden.

Quai che resta èn las emoziuns

La davosa cursa da Carlo Janka n’è betg ida sco giavischà, er perquai ch’el ha ristgà insatge cun il material. Janka è partì a la davosa cursa dal Lauberhorn cun in ski vegl ch’ha funcziunà bain en la part sisum, dentant betg pli giudim uschia ch’el è crudà ora. Quai che restan èn dentant las emoziuns. Tut ils collegas han beneventà Janka en l’arrivada cun grond applaus ed in placat cun scrit si; «Danke Janka». Ed a l’ur da la pista è stada l’entira famiglia da Janka che va uss en la bain meritada pensiun da skis. Las proximas cursas, en in’emna a Kitzbühel, vegnia el a persequitar tut pacific a chasa sin canapé avant la televisiun, ha Carlo Janka manegià.

RTR actualitad 17:00;

Artitgels legids il pli savens

Scrollar a sanestra Scrollar a dretga