Il norveges Casper Ruud ha gudagnà ses gieu singul cunter l'american Jack Sock (6:4, 5:7, 10:7). En la segunda partida ha il grec Stefanos Tsitsipas gudagnà cunter l'argentin Diego Schwartzmann (6:2, 6:1). Uschia maina il «Team Europe» suenter dus gieus singuls cun 2:0.
De Minaur gudogna cunter Murray
Suenter ch'il «Team World» era en dischavantatg, ha lura Alex de Minaur da l'Australia gudagnà cunter Andy Murray da la Scozia. Era sche Murray ha gudagnà l'emprima partida, n'ha el betg pudì tegnair il niveau e de Minaur ha sinaquai gudagnà cun 5:7, 6:3 e 10:7.
Finala cun Federer e Nadal cunter Sock e Tiafoe
Il davos gieu han dà Roger Federer e Rafael Nadal cunter il duo american Jack Sock e Frances Tiafoe. Ils americans han suenter trais sets gudagnà cun 6:4, 6:7 e 9:11.
Uschia è il stan suenter l'emprim di al Laver Cup tranter il «Team Europe» ed il «Team Wolrd» 2:2.
