Leva squassada dal tscharvè - Marlen Reusser sto dar si

Per Marlen Reusser è il Tour de France da las dunnas a fin anticipadamain. Quai ha commmunitgà sia equipa venderdi saira, suenter che Reusser è cupitgada en la 6avla etappa. La Bernaisa saja vegnida transportada en l'ospital nua ch'ils medis hajan diagnostitgà ina leva squassada dal tscharvè. Uschia na possia ella betg cuntinuar il tour. La mesemna aveva Marlen Reusser anc briglià cun sia victoria en la cursa cunter l’ura. A la testa dal classament general è vinavant l'Ollandaisa Marianne Vos.