Siglir tar il cuntegn

Header

video
Las cursas da skis a San Murezzan pon avair lieu.
Or da Telesguard dals 02.12.2021.
laschar ir
cuntegn

Lubientscha speziala Cursas da San Murezzan han lieu

Ils organisaturs han survegnì ina lubientscha speziala dal chantun Grischun per las cursas da Super-G da la cuppa mundiala dals 11 e 12 da december. Quai han ils organisaturs confermà envers RTR.

La regenza grischuna schlucca las reglas d'entrar en il pajais per las skiunzas. Il mument èn ellas numnadamain a Lake Louise en il Canada, ch'è da nov sin la glista da quarantina da la Svizra, quai pervi da la nova varianta omicron dal coronavirus. Senza la lubientscha speziala stuessan las atletas e lur teams ir 10 dis en quarantina.

Grazia a quella lubientscha dastgian las persunas ch'èn «exnum necessarias» per las cursas far il viadi a San Murezzan senza stuair far ils 10 dis quarantina, scrivan ils organisaturs da las cursas. Ussa vegnian las reglas detagliadas da questa lubientscha speziala examinadas.

Dapli infurmaziuns davart la decisiun dal chantun ha la responsabla da medias da las cursas Claudia Jann:

audio
Claudia Jann davart la lubientscha speziala dal chantun
02:39 min, Actualitad dals 02.12.2021.
laschar ir. Durada: 02:39 minutas.

Pervi da las novas reglas en connex cun la nova varianta dal coronavirus n'eri ditg betg cler sche las cursas han lieu u betg.

Concerts vegnan spustads

Ils concerts d'open air ch'avessan gì lieu a l'ur da las cursas da la cuppa mundiala a San Murezzan vegnan stritgads. Sco quai che San Murezzan Turissem communitgescha hajan ins decis da spustar il program per in onn. Quai en vista al svilup da la pandemia.

RTR novitads 15:00

Artitgels legids il pli savens

Scrollar a sanestra Scrollar a dretga