Suenter che Marc Wieser ha manà il HCD en avantatg en la 27avla minuta cun ses segund gol, han ils Lakers mussà ina ferma reacziun. L'anteriur giugader da Tavau Mando Eggenberger ha scursanì be 32 secundas pli tard sin il 1:2. En la 31avla minuta ha il defensur Daniel Vukovic lura egualisà sin il 2:2.
En la 37avla minuta ha Enzo Corvi lura sajettà il 3:2. Sinquai n'ha la squadra ospitanta betg pli chattà ina resposta. Il cuntrari: Yannick Frehner ha anc sajettà il 4:2 en la 48avla minuta. Malgrà ils trais ulteriurs puncts reta Tavau sin plazza 8 da la tabella.
Las ulteriuras partidas:
- Fribourg – Losanna: 2:1 suenter penaltis
- Lugano – Ambri-Piotta: 6:4
- SCL Tiger – Zug: 4:5
- Berna – ZSC Lions: 2:3 suenter penaltis