Era quest onn vegn ina squadra finlandaisa ad esser da la partida a la Cuppa Spengler. Ils responsabels da Tavau han communitgà che l’equipa KooKoo da Kouvola haja acceptà l’invit. Dapi la stagiun 2015/16 tutga KooKoo tar la pli auta liga naziunala.
Avand dus onns aveva KalPa Kuopio surprendentamain gudagnà la Cuppa Spengler sco emprima squadra finlandaisa insumma. Il december passà è il club TPS Turku stà da la partida.
Cun KooKoo èn ussa 5 da las 6 equipas enconuschentas ch’èn da la partida a la Cuppa Spengler da quest onn. Sper il HCD èn quai Ambri-Piotta, il Team Canada, Sparta Prag ed apunta KooKoo.