Siglir tar il cuntegn

Header

cuntegn

Cursa da muntogna Tarzisius Caviezel daventa president dal Swissalpine

Il landamma partent da Tavau, Tarzisius Caviezel, daventa nov schef dal Swissalpine. El surpiglia la responsabladad per l’occurrenza da currer a partir dal prim da schaner 2021. Caviezel succeda uschia ad Andrea Tuffli, il fundatur da l’occurrenza ch’i dat entant dapi passa 30 onns. Quai scriva l'uniun Swissalpine ein ina communicaziun.

Il Swissalpine è ina marca ch'è colliada cun Tavau e che tutga tar Tavau.
Autur: Tarzisius Caviezel Landamma da Tavau

Cun Caviezel surpiglia ina persuna il presidi, che saja fitg s'enragischada cun Tavau. El è gia stà president dal Club da Hockey da Tavau ed ha er contacts politics cun esser stà dapi il 2013 landamma da la vischnanca da Tavau.

Oriundamain eri planisà che Gian Gilli surpiglia il presidi. Pervi dal svilup dal nov concept da l’occurrenza ad ina cursa che duai puspè avair lieu be a Tavau, haja l’Engiadinais dentant desistì da l’uffizi.

audio
Per tadlar: las novitads da las 15:00
ord RTR Audio dals 28.08.2020. Maletg: RTR
laschar ir. Durada: 2 minutas 19 Secundas.

RTR novitads 14:00

Artitgels legids il pli savens