Siglir tar il cuntegn

Header

audio
Maraton da skis engiadinais è intschert
Or da Actualitad dals 29.10.2020.
laschar ir. Durada: 02:37 minutas.
cuntegn

Maraton da skis engiadinais Ediziun 2021 pli che intscherta

Ils organisaturs da la pli gronda cursa populara da passlung en Svizra èn avant grondas sfidas.

Sche las mesiras da protecziun actualas valan er anc durant tut l’enviern, saja la speranza plitost pitschna ch’il Maraton da skis engiadinais 2021 ha lieu sco previs ils 14 da mars. Quai tenor valitaziun da Menduri Kasper, il manader da gestiun da l’organisaziun.

Ditg sincer: per la cursa principala dal maraton vesa quai or plitost mal.
Autur: Menduri KasperDirectur Maraton da skis engiadinais

Ina schanza minimala vesa Kasper anc da pudair realisar eventualmain ina u l'autra da las cursas pli pitschnas che han lieu en il rom dal Maraton da skis engiadinais. Numnadamain la cursa da dunnas u la cursa da notg.

Decisiun las proximas 3 emnas

En las proximas emnas vul l'organisaziun dentant trair ina decisiun en chaussa. I giaja numnadamain er per blers raps, suttastritga il manader da gestiun dal Maraton da skis engiadinais. Il budget da l'organisaziun era ils ultims onns enturn 3 milliuns francs.

RTR novitads 17:00

Artitgels legids il pli savens

Scrollar a sanestra Scrollar a dretga