Siglir tar il cuntegn

Header

cuntegn

Maraton da skis engiadinais Peter Peyer cusseglia d'annular l'ediziun 2021

Ord vista da la situaziun actuala cun la pandemia quinta il minister da sanadad ch'il 2021 vegnia anc fitg grev. Perquai ha el cusseglià en il Controvers spezial da RTR als organisaturs d'annular il maraton da l'auter onn.

Peter Peyer ha accentuà ch'ins speria da pudair vaccinar en la segunda mesadad da l'onn u vers la stad a l'engronda. Lura possian ins dir ch'ins haja pli u main in med per cumbatter a moda persistenta la pandemia.

audio
Peter Peyer cusseglia d'annular il Maraton da skis engiadinais 2021
00:17 min, RTR Audio dals 22.12.2020.
laschar ir. Durada: 00:17 minutas.

Per ses collega, cusseglier guvernativ Jon Domenic Parolini, è il Maraton da skis engiadinais 2021 fitg periclità. Cuzunt che bun 14'000 passlungistas e passlungists fetschian il medem mument il maraton vesa el sco illusoric. Tuttina speria el ch'i saja pussaivel da chattar ina soluziun per pudair realisar las cursas.

Enfin il pli tard ils 6 da schaner 2021 decida il comité d’organisaziun, sch’il Maraton da ski engiadinais po vegnir manà tras en ina furma u l’autra.

RTR Controvers spezial / novitads 06:00

Artitgels legids il pli savens

Scrollar a sanestra Scrollar a dretga