Siglir tar il cuntegn

Header

cuntegn

National League Ed il HCD gudogna vinavant

A chasa cunter Ambri-Piotta gudogna Tavau cun 5:3. Ils Grischuns han suenter ch'i manavan gia cun 4:0 anc stuì tremblar.

audio
LIVE: La fasa finala curt avant la fin
ord Sportissimo dals 24.11.2019.
laschar ir. Durada: 2 minutas 33 Secundas.

Ultim terz (2:3)

  • 41' Luca Hischier (Otso Rantakari, Mattias Tedenby) 4:0
  • 43' Dario Rohrbach (Michael Ngoy) 4:1
  • 55' Marco Müller (Brian Flynn, Matt D'Agostini) 4:2
  • 56' Marco Müller (Brian Flynn, Matt D'Agostini) 4:3
  • 60' Fabrice Herzog 5:3

En l'ultim terz èsi anc ina giada vegnì stretg per Tavau. Il HCD ha bain augmentà sin 4:0. Lura ha la concentraziun laschà suenter e Tavau ha incassà chastis ed ils dad Ambri han fatg 3 gols en seria e vegnids suenter fin a 4:3. En l'ultima minuta tucca Fabrice Herzog anc en il gol vid dad Ambri e fa tut cler cun il resultat final da 5:3 per Tavau.

Cun quella victoria fa Tavau il sigl sin il terz plaz en la tabella. Realisescha sia 10avla victoria en las ultimas 11 partidas. L'equipa dal trenader Christian Wohlwend è uss be anc 6 puncts davos il leader, ils ZSC Lions. Il club grischun ha entant giugà 4 partidas damain ch'il ZSC.

Segund terz (3:0)

  • 30' Perttu Lindgren (Benjamin Baumgartner) 1:0
  • 33' Felicien Du Bois (Andres Ambühl) 2:0
  • 34' Perttu Lindgren (Benjamin Baumgartner, Aaron Palushaj) 3:0

Il HCD ha mussà en quest segund terz tge ch'è la differenza, sch'ins è insanua a la testa u insanua a la cua da la tabella. L'effizienza è stada la gronda differenza tranter Tavau ed Ambri. Entaifer 3 minutas e 15 segundas han ils Grischuns sajettà trais gols. Duas giadas han Perttu Lindgren e Felicien Du Bois tutgà en la rait. Ambri è bain er vegnì tar singulas schanzas, il goli da Tavau ha dentant fatg ina fitg buna figura tar las occasiuns dad Ambri.

Suenter dus terzs vesi ora fitg bain ch'il HCD vegn da festivar la 10avla victoria en ils ultims 11 gieus.

Emprim terz (0:0)

Ord vista dal HCD è il resultat il meglier suenter l'emprim terz. Ambri-Piotta è numnadamain per gronda part stada la meglra equipa. Gia en la segunda minuta èn ils Tessinais vegnir tar ina schanza dubla, nua ch'il goli da Tavau, Sandro Aeschlimann ha dentant tegnì excellent. En la 10avla minuta ha Ambri era anc tutgà la latta ord curta distanza.

Tavau è pir suenter bun 10 minutas vegnì meglier en il gieu, senza dentant surprender la batgetta da la partida. Las meglras schanzas han Andres Ambühl suenter in solo e Mattias Tedenby cun in sajet ord la chanvella gì.

Avant il gieu

Cun 5:4 suenter prolungaziun ha il HCD gudagnà sonda cunter ils Rapperswil-Jona Lakers. In gieu che Tavau avess dentant stuì gudagnar suenter il temp regular. Duas minutas avant la fin manavan els anc cun 4:2. Il 4:4 è gartegià als Lakers pir quatter secundas avant la fin dal temp regular. En la prolungaziun èsi lu stà il chapitani Andres Ambühl che ha decidì il gieu en favur dals Grischuns.

Quest gieu cunter il segund davos da la tabella ha mussà ch'ins na dastga mai laschar suenter en la National League, tuttina cunter tge equipa. Er oz cunter il davos, Ambri-Piotta, sto il HCD mussar in bun gieu, sche l'equipa da Christian Wohlwend vul tegnair tut ils trais puncts a Tavau.

Cunter Ambri n'èsi mai simpel

Ambri-Piotta n'è sin il palpiri betg la pli talentada equipa, ma ina squadra che na dat mai si, nua che mintga giugader va per mintgin.

Er il sulet duel questa stagiun tranter Tavau ed Ambri è stà in gieu guliv. Fin october ha il HCD gudagnà en il Tessin cun 3:2, quai grazia a gols da Mattias Tedenby, Otso Rantakari e Perttu Lindgren.

Cler è, che Ambri-Piotta vegn dentant plain fidanza en il Grischun: Sonda han els gudagnà il derby tessinais cunter Lugano cun 3:2.

Hockey tabella liga naziunala A



gieusgolspuncts
1.Zug49
146:120
90
2.ZSC Lions
49162:123
88
3.Tavau49154:139
86
4.Genevra49134:115
86
5.Bienna49149:140
78
6.Friburg49121:130
73
7.
Losanna
49
133:129
72
8.
Lugano49
124:135
69
9.Berna
49
129:139
68
10.Ambri
49116:135
60
11.SCL Tigers
49113:146
60
12.Lakers49
126:156
52

RR sportissimo 17:00

Artitgels legids il pli savens