Il campiun olimpic Nevin Galmarini turna damaun, gievgia, enavos en la cuppa mundiala – quai en la cursa da slalom gigant a Carezza en l'Italia. Per Galmarini vegn quai ad esser sia emprima cursa suenter 22 mais.
Atgnamain aveva Galmarini gì planisà da ir gia la sonda passada a Cortina a la partenza. Paucs dis avant l'entschatta da la cuppa mundiala aveva el dentant stuì spustar ses comeback pervi da problems cun il dies. Previs era lura che Galamrini giess il schaner a Scuol per l'emprima giada puspè ad ina cursa da la cuppa mundiala. Sias cundiziuns corporalas permettan uss dentant gia da returnar pli baud en la cuppa mundiala.
video
Nevin Galmarini: La via crappusa enavos
Or da Sport-Clip dals 08.12.2020.
laschar ir. Durada: 1 minuta 1 Secunda.
