La naziunala svizra da ballape sto desister en il davos gieu da qualificaziun per il campiunadi mundial sin dus ulteriurs giugaders. Ricardo Rodriguez haja cunter Italia (1:1) patì ina blessura musculara en la coissa, scriva la Federaziun svizra da ballape. Ed il defensur central Bryan Okoh haja rut en il davos trenament avant il gieu a Roma il liom cruschà dal schanugl dretg.
La glista d'absenzas vegn uschia pli lunga: Granit Xhaka, Nico Elvedi, Haris Seferovic, Breel Embolo, Steven Zuber, Christian Fassnacht e Gregor Kobel na stattan medemamain pervia blessuras betg a disposiziun. Manuel Akanji è bloccà.
Glindesdi saira dat la Svizra a Lucerna cunter la Bulgaria.