- Il SC Berna gudogna la partida decisiva cunter Kloten cun 5:0.
- Ils Bernais decidan uschia la seria dals pre-playoffs cun 2:1.
- Il SCB frunta en ils quartfinals playoff sin Bienna, il segund da la qualificaziun.
Duas partidas dals quartfinals ils 14 da mars
- Genevra (1.) – Lugano (10.)
- Bienna (2.) – Berna (8.)
E duas partidas dals quartfinals ils 15 da mars
- Lakers (3.) – Zug (6.)
- ZSC Lions (4.) – Tavau (5.)
La decisiun en favur da Berna
Il SCB ha battì la sonda saira Kloten cun 5:0 – uschia è la stagiun a fin per ils Turitgais. Berna ha sajettà al cumenzament dal segund terz ils emprims dus gols, aifer duas minutas. La decisiun è lura crudada en las davosas trais minutas da la partida cun trais ulteriurs gols. Dus da quels èn il gol da Kloten vid.
Lugano è sa qualifitgà la gievgia saira
En ils pre-playoffs han ils Tessinais er gudagnà la segunda partida cunter Fribourg, quai a chasa cun 2:0. Uschia vegni en ils playoffs tar il duel tranter Lugano e Genevra, che ha gudagnà la qualificaziun.
En la segunda partida dals pre-playoffs ha Kloten pudì egualisar la seria cunter Berna. Quai grazia ad ina victoria da 4:1 a chasa.
