En la segunda liga da hockey manca a l'EHC San Murezzan be pli ina victoria per far il pass en il mezfinal. L’equipa da l’Engiadin'Ota ha battì per la segunda giada Dielsdorf-Niederhasli cun 3:2 e maina uschia la seria da «best of five» cun 2:0. San Murezzan po decider la seria da quartfinal gia la sonda proxima.
La segunda equipa grischuna che gioga ils playoffs en segunda liga – Lai Valbella – ha egualisà la seria da quartfinal. Lai ha battì a chasa Son Gagl cun 4:2. En la seria statti uss pari 1:1.
