Siglir tar il cuntegn

Header

video
Golubic cuntinuescha la via da success
Or da Sport-Clip dals 05.07.2021.
laschar ir
cuntegn

Premiera da quartfinal Golubic cuntinuescha sias victorias era cunter Keys

  • A Viktorija Golubic gartegi per l’emprima giada da cuntanscher il quartfinal d’in turnier Grand Slam.
  • La Turitgaisa gudogna en l’otgavelfinal da Wimbledon cunter l’Americana Madison Keys cun 7:6 (7:3) e 6:3.
  • En il quartfinal spetga Karolina Pliskova da la Tschechia, il numer 13 dal mund.

Igl è stà ina premiera gartegiada, che Viktorija Golubic ha cuntanschì a Wimbledon. En ses emprim otgavelfinal d’in turnier Grand Slam ha la Turitgaisa dà grondius, e battì l’Americana Madison Keys en dus sets.

video
Golubic: «Fa simplamain plaschair da dar qua»
Or da Sport-Clip dals 05.07.2021.
laschar ir

En l’emprim set ha Golubic nizzegià che Keys fascheva blers sbagls. E tar il stan da 5:2 è ella stada datiers da gudagnar il set. Quatter games e dus breaks pli tard era Golubic dentant tuttenina enavos cun 5:6. En il tiebreak è ella lura puspè revegnida, ed ha decidì l’emprim set cun sia terza balla da matsch.

En il segund set han omaduas giugaduras stuì dar giu lur game. A Golubic è dentant gartegià il direct re-break – e tuttenina era ella cun 4:1 anavon. Suenter 1 ura e 39 minutas ha Golubic lura realisà sia segunda balla da matsch.

La proxima adversaria da la Turitgaisa è Karolina Pliskova da la Tschechia, il numer 13 dal mund. Quella ha eliminà la Russa Ludmilla Samsonowa en dus sets. La partida Golubic cunter Pliskova è il mardi.

video
Las meglras scenas da Golubic – Keys
Or da Sport-Clip dals 05.07.2021.
laschar ir

RTR novitads 18:00

Artitgels legids il pli savens

Scrollar a sanestra Scrollar a dretga