Sisavel Tour de ski en Val Müstair
Dapi l’onn 2013 organisescha la Val Müstair etappas dal Tour de ski. En la patria da Dario e Gianluca Cologna ha l’elita dal sport da passlung fatg per l’emprima giada fermativa per in'etappa da questa seria da cursa. Ils emprims onns ha la Val Müstair organisà alternant cun Lai etappas dal Tour de ski. Quest onn gia per la sisavla giada. Quest onn han gì lieu las emprimas duas etappas a Tschierv.
L’entira elita, dentant senza atletas ed atlets da la Russia
Pervia da la guerra en l’Ucraina èn atletas ed atlets da la Russia exclus da tut las concurrenzas da passlung da la cuppa mundiala. Uschia mancan fermas passlungistas e passlungists. Perquai è tut il rest da l’elita mundiala da la partida tar questa seria da cursas che va a fin sco adina cun l’etappa finala sin L’Alpe Cermis en il Trentino.
Nadine Fähndrich trumpf Svizzer, tar ils umens Jonas Baumann
Gest cun duas victorias en il sprint a Tavau e Beitostolen en Norvegia vegn Nadine Fähndrich a la partenza dal Tour de ski. Dad ella pon ins spetgar las pli fermas prestaziuns. Sper Nadine Fähndrich èn ulteriuras tschintg svizras a la partenza dal Tour de ski. Era la victura dal maraton da skis Engiadinais Nadja Kälin da San Murezzan. Tar ils umens savess Jonas Baumann avair las meglras cartas pertutgant il classament general. Baumann va sur l’entira distanza, vul dir, el fa tut las sett etappas dal Tour de ski 2022/2023.
Las etappas
| Data | Etappa | Lieu | Cursa | Temp |
| 31.12. | 1 | Val Müstair |
Dunnas/Umens Sprint tecnica libra |
13:50 |
| 1.1. | 2 | Val Müstair |
Dunnas, 10 km, classic, persecuziun |
11:50 |
| 1.1. | 2 | Val Müstair |
Umens, 10 km, classic, persecuziun |
13:05 |
| 3.1. | 3 | Obertsdorf (GER) |
Umens, 10 km, classic, partenza individuala |
11:35 |
| 3.1. | 3 | Obertsdorf (GER) |
Umens, 10 km, classic, partenza individuala |
14:35 |
| 4.1. | 4 | Obertsdorf (GER) |
Umens, 20 km, tecnica libra, persecuziun |
11:05 |
| 4.1. | 4 | Obertsdorf (GER) |
Dunnas, 20 km, tecnica libra, persecuziun |
14:25 |
| 6.1. | 5 | Val di Fiemme (ITA) |
Dunnas/Umens Sprint, classic |
12:20 |
| 7.1. | 6 | Val di Fiemme (ITA) |
Dunnas, 15 km, classic, partenza da massa |
11:45 |
| 7.1. | 6 | Val di Fiemme (ITA) |
Umens, 15 km, classic, partenza da massa |
13:25 |
| 8.1. | 7 | Val di Fiemme (ITA) |
Dunnas, 10 km, tecnica libra, partenza da massa |
10:50 |
| 8.1. | 7 | Val di Fiemme (ITA) |
Umens, 10 km, tecnica libra, partenza da massa |
12:35 |
