-
Bild 1 von 7. La damaun baud èsi anc stà stgir e la lingia per café e stortins survesaivla. Bildquelle: RTR.
-
Bild 2 von 7. Ina atmosfera tut speciala: guardar ballape en il stgir – e quai betg la saira mabain la damaun. Bildquelle: RTR.
-
Bild 3 von 7. Circa tut las persunas avant lieu han gì en in tricot da la naziunala Svizra. Bildquelle: RTR.
-
Bild 4 von 7. Pli che plain – bleras persunas eran prontas da desister da sien per mirar il gieu da la Svizra. Bildquelle: RTR.
-
Bild 5 von 7. Jon Jenal ha gidà ad organisar e dat cun il club da ballape da Panaduz. El sto suenter il gieu ir a lavurar – pia il lung di. Bildquelle: RTR.
-
Bild 6 von 7. La victoria è qua – igl è temp d'analisar il gieu e salidar collegas. Bildquelle: RTR.
-
Bild 7 von 7. La plazza a Panaduz sa svida spert – tgi va a lavurar, auters han forsa il cletg da pudair ir a letg. Bildquelle: RTR.
Il club da ballape da Panaduz organisescha durant il campiunadi mundial da ballape public viewings sper la plazza da bal. En sasez emettan els surtut gieus ch'han lieu la saira – ina excepziun fan els per il gieu dal sedeschavelfinal da la Svizra encunter l’Algeria. Pia hai dà cornets e café empè da grillada e biera. E perquai ch'ils organisaturs han pensà che betg enorm bleras persunas sa dasdan uschia baud han els fatg quint cun passa 150 persunas. Ma las maisas e las pausseras s'han schon emplenidas bain avant il gieu – e cun il tschivel d'entschatta era bunamain tut plain. Uschia ch'intgins dal club da ballape han anc stuì currer en diversas butias per cumprar stortins.
Sper la plazza da ballape Tuleu a Panaduz han ils organisaturs preparà in spazi per passa 300 persunas. En il stadion a Vancouver nua che la Svizra ha giugà han schizunt plazza passa 52'000 persunas.
