La Societad da promoziun Regiun Parc Naziunala datti en la furma actuala dapi il 2008. Gia a partir da l’onn 1996 ha quai dà ina promoziun dal sport da skis en la regiun da l’Engiadina Bassa/Val Müstair/Samignun. Alura anc sut il num SNAF (Snowboard – Nordic – Alpin – Fun). La finamira da la Societad è quella da sustegnair finanzialmain giuvnas atletas ed atlets sin lura via a la testa.
Saira caritativa Societad da promoziun RPN
-
Bild 1 von 3. Discussiun al podi cun Jürg Capol, Thomas Tumler, Nevin Galmarini. Bildquelle: RTR.
-
Bild 2 von 3. Saira caritativa Societad da promoziun sport da skis. Bildquelle: RTR.
-
Bild 3 von 3. Donaturas e donaturs, sponsuras e sponsurs a la saira caritativa. Bildquelle: RTR.
Dario Cologna, Nevin Galmarini e Sandro Viletta
Tuts trais sportists han curunà lur carrieras sportivas cun almain ina medaglia dad aur olimpica. Tuts trais èn ids a scola en la Sports Academy da l’Institut Otalpin a Ftan e tuts trais han pudì profitar da la Societad da promoziun da la Regiun Parc Naziunal. Dapi blers onns sustegna la societad sportistas e sportists regiunals cun circa 200'000 francs per onn. La Societad da promoziun è in center da prestaziun da Swiss Ski e sustegna sportistas e sportists en las disciplinas ski alpin, nordic, biatlon e snowboard.
45 giuvnas atletas ed atlets
La Societad da promoziun ha envidà sponsuras e sponsurs, donaturas e donaturs ad ina saira caritativa. En emprima lingia per dir grazia per lur grond sustegn finanzial. Dentant er per mussar tge che è pussaivel da cuntanscher sco sportista ni sportist. Actualmain treneschan circa 45 giuvnas atletas ed atlets en il center da prestaziun. Il futur vegn a mussar sche ulteriuras grondas sportistas e sportists vegnan or da la cella da trenament da la regiun Engiadina Bassa/Val Müstair/Samignun.