Siglir tar il cuntegn

Header

Legenda: Ils da Montlingen n'èn betg vegnids da franar ils Sursilvans da Schluein Glion. Dusan Weigl
cuntegn

Ballape regiunal USSI mussa ina reacziun en il dretg mument

Per l’emprima equipa da l’US Schluein Glion hai suenter ina greva stagiun tuttina anc dà in happy end. Grazia a la clera victoria en il davos gieu encunter Montlingen (4:0) ed er grazia a l’agid ester po la pli ferma equipa da ballape en Surselva er giugar la proxima stagiun en 2. liga regiunala.

audio
La US Schluein Glion resta en la 2. liga
03:13 min, Sport ed actualitad dals 27.06.2021.
laschar ir. Durada: 03:13 minutas.

Malgrà il squitsch han ils da Schluein Glion mussà gist en il davos gieu da campiunadi, in gieu chapital, gronda morala ed ina da las meglras prestaziuns dals davos mais. La giuvna equipa che vegn trenada dapi bun in onn da Mate Lekishvili oriund da la Georgia, n’ha laschà nagina schanza a Montlingen. Avant bunamain 300 fans èn l’Arena Crap Gries a Schluein han els uschia er mussà ch’igl è pussibel da sa tegnair en questa 2. liga.

audio
David Caduff, il schef da sport da la USSI, davart la stagiun passada ed il futur
02:43 min, Actualitad dals 28.06.2021.
laschar ir. Durada: 02:43 minutas.

Per David Caduff, il schef da sport da l’USSI, saja fitg impurtant che l’uniun haja er en l’avegnir in’equipa en 2. liga. Per tut ils giuvens cun ambiziuns saja quai gronda motivaziun da cuntinuar. I vegnia dentant er a dar ina greva e dira stagiun 2021/22, uschia Caduff.

Legenda: Mate Lekishvili, oriunds da la Georgia, trenescha dapi la stad 2020 l'emprima equipa da l'US Schluein Glion. Andreas Wieland

RTR actualitad 08:00

Artitgels legids il pli savens

Scrollar a sanestra Scrollar a dretga