Valposchiavo Calcio encunter Schluein Glion – quai è il final da la Cuppa grischuna da ballape 2026. En il mezfinal ha Valposchiavo Calcio svelt surpiglià la batgetta da la partida encunter Schlarigna, ed ha empruvà da dictar il gieu. Uschia è Valposchiavo era ì en avantatg. Suenter las emprimas 45 minutas manava Valposchiavo cun 1:0.
La differenza en la segunda mesadad
Suenter che Valposchiavo Calcio è i cun l'avantatg minimal en la pausa ha l’equipa alura en la segunda mesadad fatg tut cler. Aifer be 20 minutas ha il capotiragols da Valposchiavo Calcio Mattia Cathieni sajettà trais gols. Cun ses «hattrick» ha el procurà per la differenza.
Il CB Schlarigna è pir stà bun da reagir cura ch'il gieu era daditg decis. Pir las ultimas minutas ha l’equipa da chasa anc fat dus gols. A la fin ha Valposchiavo dentant gudagnà meritadamain cun 6:2 e po ussa sa preparar per il final da la Cuppa grischuna da ballape encunter Schluein/Glion da la terza liga. Il gieu è il di d'Ascensiun, ils 14 da matg.
En il final da las dunnas da la Cuppa grischuna vegni ad ina nova affischa. Per l’emprima giada datti il duel Team Surselva cunter il Club da ballape Tusaun-Cazas.
