Entaifer 48 uras han la vischnanca ensemen cun il Club da ballape da Domat mess en pe ina festa da bainvegni per la golia da la naziunala svizra Livia Peng, quai en la halla polivalenta a Domat. E la populaziun da Domat è vegnida en rotschas. La halla è stada occupada fin il davos plaz, blers han schizunt stuì star sin pes.
Igl è emoziunal ed jau n’avess mai cartì che tanta glieud vegnia qua per mai. Quai munta a mai nunditg bler.
Impressiuns dal bainvegni da Livia Peng a Domat
-
Bild 1 von 6. Bildquelle: RTR.
-
Bild 2 von 6. Bildquelle: RTR.
-
Bild 3 von 6. Bildquelle: RTR.
-
Bild 4 von 6. Bildquelle: RTR.
-
Bild 5 von 6. Bildquelle: RTR.
-
Bild 6 von 6. Bildquelle: RTR.
Cura che Livia Peng è entrada en la halla polivalenta han ils juniors dal Club da ballape da Domat fatg spalier ed igl ha dà ina standing ovation. Peng è vegnida beneventada cun applaus frenetic. Suenter la festa ha la golia da Domat dastgà dar numerus autograms.
Mes telefonin scalina senza fin. Insacura vi jau prender la peda da respunder persunalmain sin tut ils messadis, ma quai dovra bler temp.
Livia Peng è s’avanzada durant il campiunadi europeic tar in star e cun sias prestaziuns grondiusas s’etablida tar ina da las meglras golias da l’Europa. Er ella ha contribuì bler a questa gronda euforia da ballape enturn la naziunala svizra.
Jau n’hai anc betg realisà ch’jau dastg uss midar tar il FC Chelsea, quai è stà in siemi dapi ch’jau sun 10 onns.
Gia il di suenter la festa da bainvegni banduna Livia Peng ils da Domat per returnar ina davosa giada a Bremen nua ch’ella ha giugà ils davos dus onns. A Bremen ha ella da pachetar e surdar las clavs da l’abitaziun. L’aventura da la golia da 23 onns, ch’ha lantschà sia carriera sco mattetta a Domat, cuntinuescha uss tar ses club da siemi da Londra, il FC Chelsea en la Premier League.