Il Bike-Maraton dal Parc Naziunal duess avair lieu sco planisà ils 19 da settember. Quai ha Martina Hänzi, la vicepresidenta dal maraton, ditg envers RTR. Uss stoppian els anc sclerir il concept da segirezza cun il chantun. Sch’els survegnian glisch verda, haja il maraton lieu.
Uschia n'ha la decisiun dal Cussegl federal – da lubir occurrenzas grondas pir davent da l'entschatta d'october – nagin’influenza sin la cursa. Oriundamain fiss il maraton da velo engiadinais stà planisà per ils 29 d’avust, pervi dal scumond d’eveniments gronds era l’occurrenza dentant gia vegnida spustada il matg.