Gievgia, ils 29 da matg (Ascensiun), cumbattan quatter equipas grischunas per la Cuppa grischuna 24/25: tar las dunnas datti il duel FC Domat e Cuira 97 – e tar ils umens vegn il titel ad ir en Surselva; en dumonda vegnan il CB Lumnezia ubain l’US Schluein Glion. RTR rapporta live da l’Obere Au a Cuira.
RTR vegn ad emetter ils dus gieus finals dals 29-05 sco livestream sin www.rtr.ch e natiralmain era sin nossa app gratuita Play RTR.
- 12:30 final dunnas
- 16:30 final umens
Suenter ils finals chattais vus là tut ils highlights, intervistas ed impressiuns.
Excitaziun pur, era per vus: Tippai endretg ils resultats dals dus finals e gudagnai cun in zic cletg in dals dus premis – duas schanzas, per duas coolas ballas uffizialas: ina dal campiunadi europeic da las dunnas ed ina da la Champions League 2025.
I dat da gudagnar la balla uffiziala dal campiunadi europeic da las dunnas 2025.
I dat da gudagnar la balla uffiziala da la Champions League 2025.
... ed era per ils gists tips dals mezfinals dals umens hai dà premis
Tranter tut quels e quellas ch'han tippà sin ils endretgs finalists per il final dals umens ha RTR tratg la sort – gudagnà han:
- Alessia Caduff
- Lucian Alig
Cordiala Gratulaziun e bler plaschair cun il premi.
Il pachet cuntegna:
- in plimatsch da seser
- ina buttiglia da baiver
- crema da sulegl
- in poncho da plievgia
- in pèr soccas
