Fin mesemna da mezdi pudais votar per voss favurit – Ils victurs e las victuras vegnan communitgads mesemna saira, ils 28-05-2025 sin rtr.ch.
Has era ti in tricot da ballape ch'ha ina muntada speziala per tai? Forsa èsi stà tes emprim tricot sco uffant ubain in, che ta regorda vi d’in gieu spezial u vi d’experientschas nunemblidaivlas? Tuttina, sch’i sa tracta d’in «libli» da tes club preferì, d’in unicat per tai ch’è collià cun emoziuns u sch’il shirt impressiunescha simplamain visualmain – nus vulain vesair tes object da brama! Sper il plaschair da parter ed as participar, datti da gudagnar bels premis.
Voss tricots – vossas istorgias ⚽
Anfang Bildergalerie
Bildergalerie überspringen
-
Bild 1 von 38. Roc Andreia e Clà Mattiu han retschet lur emprims tricots da lur giugaders preferids, Virgil van Dijk ed Erling Haaland. Bildquelle: mess a disposiziun.
-
Bild 2 von 38. Quai dat anc dapli fieu per il ballape – e Roc Andreia e Clà Mattiu siemian da visitar in di in gieu da Liverpool e Manchester City en il stadion. Bildquelle: mess a disposiziun.
-
Bild 3 von 38. Mes trais tricots preferids uneschan famiglia, patria ed il rumantsch. Bildquelle: mess a disposiziun.
-
Bild 4 von 38. Robin ha 12 onns, ed il ballape è sia passiun. Trais giadas per emna trenescha el cun sia equipa, ed en ses temp liber trenescha el en curtin cun ses «Gartatrainer». Bildquelle: mess a disposiziun.
-
Bild 5 von 38. Il siemi da Robin è da daventar uschè bun sco Harry Kane. Bildquelle: mess a disposiziun.
-
Bild 6 von 38. Luca è fan da Haaland e giavischà da ses padrin sin Nadal ina mondura da Haaland. Cunquai ch‘il padrin n'è betg in uschè grond fan da ballape ha el chapì fallà il giavisch e regalà ina mondura da Holland. Bildquelle: mess a disposiziun.
-
Bild 7 von 38. Rico è daventà fan da Borussia Dortmund cura che Stephane Chapuisat ha cumenzà a dar là. La fotografia è dal 1997 ensemen cun ses bab a Karlsruhe. Dapi lura èn anc passa 150 gieus vegnids vitiers ed il tricot datti era anc. Bildquelle: mess a disposiziun.
-
Bild 8 von 38. Janis ha giavischà da sia madritscha in tricot cun in numer che nagin auter ha, uschia ha el giavischà il numer ... Bildquelle: mess a disposiziun.
-
Bild 9 von 38. ... 100. Bildquelle: mess a disposiziun.
-
Bild 10 von 38. Quels tricots han ina gronda per las giuvnas dal Team Surselva «perquai che nus essan in'uschè grondiusa equipa da mattas FF 17, la suletta dal Grischun.» . Bildquelle: mess a disposiziun.
-
Bild 11 von 38. Levin Berdux ha gì grond plaschair da guardar in gieu cun Kane, ses giugadur preferì. Il tricot ha el survegnì quel di a Minca. Bildquelle: mess a disposiziun.
-
Bild 12 von 38. Cun quest tricot è Arina stada l'emprima giada en in grond stadion da ballape. Bildquelle: Mess a disposiziun.
-
Bild 13 von 38. Fabio è in grond fan da Borussia Dortmund ed ha il tricot da Bellingham. «En il champ da trenament a Bogn Ragaz hai jau survegnì in autogram da Bellingham – in grond eveniment che jau na vegn mai emblidar.». Bildquelle: mess a disposiziun.
-
Bild 14 von 38. I na dat nagut pli bel che «un'estate italiana». Bildquelle: mess a disposiziun.
-
Bild 15 von 38. «L'onn ed il resultat hai jau emblidà», scriva Orlando Cadonau. «Dentant èsi stà a Losanna suenter in gieu da campiunadi. Manuel Akanji e Davide Calla han gì da currer ora. Suenter plirs cloms èn els vegnids tar nus fans ch‘essan anc restads in zic pli ditg en il stadion.». Bildquelle: mess a disposiziun.
-
Bild 16 von 38. Regurdientscha da Mario Dietrich vi da l'EM 2024 en Germania. Bildquelle: mess a disposiziun.
-
Bild 17 von 38. Mario Dietrich al final da la Championsleague cun il cult-moderatur Marcel Reif. El di «Fitg cool tip». Bildquelle: mess a disposiziun.
-
Bild 18 von 38. Il tricot dat a Fadrina ina massa bellas regurdientschas. Bildquelle: mess a disposiziun.
-
Bild 19 von 38. Luca ha survegnì las suttascripziuns suenter in trenament da l'equipa naziunala svizra. Bildquelle: mess a disposiziun.
-
Bild 20 von 38. Il numer dal tricot tradescha si'annada. Bildquelle: mess a disposiziun.
-
Bild 21 von 38. Era il tricot da Marc ha si las suttascripziuns da la naziunala svizra. Supplementarmain han era Fabrizio Cavegn e Michael Heule (FC Stade-Lausanne-Ouchy) suttascrit. Bildquelle: mess a disposiziun.
-
Bild 22 von 38. Il tricot è stà in regal dals dus trenaders da Marc curant ses temp da chemo. Quel haja dà forza encunter il cancer, di Marc. Bildquelle: mess a disposiziun.
-
Bild 23 von 38. Ils fragliuns Robin e Mauro en la montura da lur idol Fabrizio Cavegn. Bildquelle: mess a disposiziun.
-
Bild 24 von 38. Gion dat fitg gugent ballape e sin la suttascripziun da Zigi è el spezialmain losch. Bildquelle: mess a disposiziun.
-
Bild 25 von 38. Federico Chiesa ei il giugadur preferiu da Nael-Enea Staglianò. Bildquelle: mess da disposiziun.
-
Bild 26 von 38. Chiesa deva tar Juventus Turin ch'ha tar nossa famiglia ina gronda impurtanza. Mes aug, mes bab ed era mia mamma ed mes fragliuns na manchentan betg in gieu. Bildquelle: mess da disposiziun.
-
Bild 27 von 38. Quest tricot regorda Beat Gabriel vi da ses temp sco giugader da juniors tar la US Rueun. Il saja stà in bel temp. Bildquelle: mess a disposiziun.
-
Bild 28 von 38. Svenja scriva «Jau era inamurada en el – nagina sgnocca 🥰 » . Bildquelle: mess a disposiziun.
-
Bild 29 von 38. Maurin è losch da ses tricot e vul adina savair sche la Spagna u la Svizra è pli ferma. E pertge che il FC Tusaun Cazas na gioga betg cunter la Spagna. Bildquelle: mess a disposiziun.
-
Bild 30 von 38. Livian è grond fan da Yann Sommer... Bildquelle: mess a disposiziun.
-
Bild 31 von 38. ... el ha dastgà trenar in di cun el ed ha survegnì in tricot cun suttascripziun. Bildquelle: mess a disposiziun.
-
Bild 32 von 38. Per Lino è il tricot da Inter Milaun super cool. El po duvrar el per giugar ballape u sco rassa. Bildquelle: mess a disposiziun.
-
Bild 33 von 38. Nico è in grond fan da ballape e quai è ses tricot preferì. Bildquelle: mess a disposiziun.
-
Bild 34 von 38. Il tricot ha si ses num e ses numer. Fan da Real è Nico perquai che Kylian Mbappé gioga là. Bildquelle: mess a disposiziun.
-
Bild 35 von 38. Il tricot che Seraina Friedli ha purtà a chaschun da ses debut sco golia da la squadra naziunala il 2017. Bildquelle: mess a disposiziun.
-
Bild 36 von 38. In mument tut spezial per la golia cunquai che 12 onns lavur sajan sa pajads quel di e ch'ella saja probabel l'emprima giugadra naziunala che stettia sin la plazza e chantia l'imni per rumantsch. Bildquelle: mess a disposiziun.
-
Bild 37 von 38. Il tricot preferì da Silvana (Cuira) – in da la naziunala svizra ... Bildquelle: mess a disposiziun.
-
Bild 38 von 38. ... (dapli che) entusiassem per il star? Per il numer 16, che tutgava a Tranquillo Barnetta, che ha giugà en tut 75 giadas per la naziunala svizra. Bildquelle: mess a disposiziun.
Ende der Bildergalerie
Zurück zum Anfang der Bildergalerie.
Avunda da tricots e gust da ballape regiunal? RTR rapporta durant l'entira stagiun. En il liveticker da ballape restais al current davart ils gronds clubs en territori rumantsch – e sco proxima ivetta datti lura il livestream dals finals da la Cuppa grischuna 2024 / 2025, ch'han lieu la gievgia d'Ascensiun, ils 29-05-2025 sin l'Obere Au a Cuira.
Final dunnas: FC Domat – Cuira 97
Final umens: CB Lumnezia – US Schluein Glion
RTR vegn ad emetter ils dus gieus finals dals 29-05 sco livestream sin www.rtr.ch e natiralmain era sin nossa app gratuita Play RTR.
- 12:30 final dunnas
- 16:30 final umens
Suenter ils finals chattais vus là tut ils highlights, intervistas ed impressiuns.
