Siglir tar il cuntegn

Header

Stefano Stagliano
Legenda: Stefano Stagliano Il passiunà fan da la Squadra Azzurra maina gia dapi plirs onns ina pizzeria a Trun. MAD, Pizzeria Da Stefano
cuntegn

Italia – Svizra «Jau hai durmì super suenter quest gieu»

Il fan passiunà da la Squadra Azzurra, Stefano Stagliano (31) ha persequità il gieu cun collegas da lavur. A Trun maina el la pizzeria Da Stefano.

Stefano Stagliano ha propi pudì giudair ina bella e patgifica saira durant il gieu da la Svizra e l'Italia. Memia dominanta è la Squadra Azzurra stada en quest gieu.

L'um da 31 onns ha guardà la partida ensemen durant ina grillada cun collegas da lavur. E quai en in ambient talian. Quatter sajan stads per l'Italia e duas persunas per la Svizra.

audio
Stefano Stagliano da Trun sa legra da la victoria taliana
07:14 min, Actualitad dals 17.06.2021.
laschar ir. Durada: 07:14 minutas.

Stefano Stagliano che ha sias ragischs en la Calabria è gia da pitschen ensi grond fan da l'Italia. E l'equipa actuala dal trenader Roberto Mancini, fa grond plaschair al bab da famiglia ed ustier.

La chemia en l'equipa constat tar l'Italia. Igl è ina buna maschaida da giugaders giuvens e pli vegls.
Autur: Stefano Stagliano ustier e fan da l'Italia

Ina prognosa na vul el betg far: quant lunsch ch'i tanscha per l'Italia. I saja da prender gieu per gieu. El na saja betg il tip che vul guardar memia fitg en il futur. La concurrenza saja gronda cun equipas sco la Germania u la Frantscha. Ma cler siemia il Sursilvan-Talian che l'Italia vegn a gudagnair il titel da campiun d'europa.

Plaschair avess el era sche la Svizra vegniss anc da far almain il pass en l'otgavelfinal. Sia segund'equipa preferida saja numnadamein la Svizra.

RTR actualitad 08:00

Artitgels legids il pli savens

Scrollar a sanestra Scrollar a dretga