Suenter ponderaziun madira è Corsin Jörger da Domat sa decidì da pender sia chautschas da lutga via la gutta, uschia ha el communitgà la sonda. Jörger ch’ha oz 32 onns aveva cumenzà cun il sport da lutga il 2005. Sias prioritads sajan sa midadas. Oz stettian en il focus sia famiglia, la professiun ed el haja novas finamiras en la vita, uschia ch’il temp manchia per lutgar activ, scriva Corsin Jörger en ina communicaziun.
Il lutgader rumantsch, ch’ha gudagnà in cranz en sia carriera e tranter auter pudì sa participar a la festa da lutga federala il 2022 a Pratteln, resta però vinavant collià cun il sport da lutga. El vegn er en l’avegnir ad accumpagnar activ ils giuvens lutgaders grischuns, gia uss s'engascha el per il sport en diversas funcziuns. El spera er che ses figl fetschia in di la lutga e ch'el possia dar vinavant sia passiun a la proxima generaziun.
