Siglir tar il cuntegn

Header

audio
da san. Ursin Spescha e Vital Albin en il skills park a Mustér.
Or da Actualitad dals 08.07.2020.
laschar ir. Durada: 03:27 minutas.
cuntegn

Mountainbike Ina stagiun d’emblidar

Vital Albin ed Ursin Spescha fissan stads pront per lur davosa stagiun da mountainbike en la categoria dals U23. La pandemia da corona ha dentant mess tut sin il chau. La gronda part da las cursas èn vegnidas annulladas.

Al duo sursilvan va uschia a perder in'impurtanta stagiun. Sco ils pli vegls en la categoria dals U23 avessan els gì quest onn bunas cartas per cumbatter per plazs da podest e medaglias. La proxima stagiun fan omadus il pass tar ils profis d’elita.

Quai mudregia extrem fitg. Il davos onn cun ils U23 è quai onn ch’ins vul anc ina giada dar tut e mussar ch’ins è pront per far il pass tar ils profis d’elita.
Autur: Ursin Speschamountainbiker

Igl è sco igl è

Vital Albin ed Ursin Spescha che fan part al Thömus RN Swiss Bike Team, l’equipa da l’anteriur profi Ralph Näf, han malgrà la crisa da corona trenà fitg intensiv ils davos mais. Igl è dentant vegnì fatg damain trenaments d’interval, persuenter dapli turas pli lungas. Uschia ha l’entir team fatg dacurt communablamain in Tour de Suisse ch’ha manà fin a Mustér, là nua che l’equipa da Ralph Näf maina mintgamai atras ils champs da trenament.

Cler èsi ina stagiun d’emblidar, ma jau hai fatg il meglier ord la situaziun. Jau hai lavurà vid mias flaivlezzas ed uschia er fatg in grond progress.
Autur: Vital Albinmountainbiker

Engadin Bike Giro dat l’entschatta

La proxima fin d’emna, dals 10 fin ils 12 da fanadur, van Vital Albin ed Ursin Spescha a la partenza al Engadin Bike Giro, ina cursa da trais etappas en la regiun da San Murezzan e Silvaplauna. En duas emnas stattan sin il program ils campiunadis svizzers a Gränichen en il chantun Argovia, in dals emprims e sulets puncts culminants en questa stagiun. En questa cursa vulan omadus gudagnar ina medaglia.

En il chalender da cursas figureschan per il mument anc ils campiunadis mundials l’october a Leogang en l’Austria. Sche quels pon dentant vegnids organisads sco planisà, stat anc scrit en las stailas.

video
Ursin Spescha e Vital Albin
Or da sil punct dals 08.07.2020.
laschar ir

RTR actualitad 17:00

Artitgels legids il pli savens

Scrollar a sanestra Scrollar a dretga