Riccardo Montani da Verbania en l’Italia dal Nord ha gudagnà per il nair da l’ungla. Suenter 68 kilometers muntava ses avantatg sin il Svizzer Raphael Sprenger mo 16 secundas. Stephan Wenk, il victur dal K43 da l’onn passà, è vegni terz.
Tar las dunnas è la cursa dal K68 stada pli clera. Marcela Vasinova da la Tschechia è vegnida solo en l’arrivada, ed ha gudagnà cun ventg minutas avantatg sin la Svizra Kathrin Götz. La victura da la cursa T88 da l’onn passà, Luzia Buehler – e daventada terza.
Totalmain èn radund 600 curriduras e curridurs sa participads la sonda a la cursa roiala dal Swissalpine a Tavau.
