Siglir tar il cuntegn

Header

audio
Cursas Transruinaulta e Transviamala cun in nov concept il 2020.
Or da Actualitad dals 16.07.2020.
laschar ir. Durada: 03:46 minutas.
cuntegn

Transruinaulta/Transviamala Enstagl da duas gist tschintg cursas

«Pli persunal, pli famigliar e pli aventurus» – sut quest motto han ils organisaturs da las cursas da currer popularas Transruinaulta e Transviamala mess ensemen in program spezial per quest onn.

Pervia da la crisa da corona na vegnan las duas cursas Transruinaulta e Transviamala betg manadas atras en il rom usità mez/fin october. Sin ina partenza na ston curridras e curriders dentant tuttina betg desister. Enstagl da las duas cursas classicas datti quest onn tschintg events en in rom pli pitschen.

Ina versiun «light» u schizunt dir giu las cursas n’è stà nagin tema per nus.
Autur: Thomas Häusermannpresident comité d'organisaziun

Currer da di e da notg

Ensemen cun las organisaziuns turisticas ch’èn involvidas ed ils sponsurs principals ha il comité d’organisaziun la finala decidì per tschintg events sur bun trais mais. Sin il program stattan dus events dal di, dus events da notg sco er ina cursa da muntogna en la Val Stussavgia. Il dumber da participants è mintgamai limità sin 200 curridras e curriders. Ed auter ch’ils onns passads na vegn quest onn betg currì sin temp, mabain ensemen en differentas gruppas da fermezza. Uschia na datti er nagina rangaziun.

Betg a mancar tar quests events vegnan ils bizochels ed oravant tut il buffet da pettas. Quai saja quai che restia onn per onn il meglier en memoria a curridras e curriders. Ed in onn senza buffet da pettas, quai n’avessi betg dastgà esser, uschia Thomas Häusermann.

Survista events 2020

Textbox aufklappenTextbox zuklappen

25.07.2020 – Transruinaulta (Razén – Glion 24 km / staziun Versomi – Glion 11,5 km)

22.08.2020 – Safier Berglauf (staziun Versomi – Tenner Chrüz 13,5 km)

12.09.2020 – Transviamala (Tusaun – Donat via Andeer 19 km / Tusaun – Donat 11,5 km)

03.10.2020 – Transruinaulta da glina plaina (staziun Versomi – Glion 11,5 km)

31.10.2020 – Transviamala da glina plaina (Tusaun – Donat 11,5 km)

Actualitad 17:00

Artitgels legids il pli savens

Scrollar a sanestra Scrollar a dretga