Nino Schurter ha gudagnà la terza cursa da la Bike Revolution en questa stagiun ad Engelberg. Il mountainbiker oriund da Tersnaus ha battì Lars Forster per 9 secundas. Cumplettà il podest sco terz ha il Lumnezian Vital Albin ch'ha dentant gia pers passa ina minuta sin Schurter.
Per Nino Schurter èsi l'emprima victoria insumma ad ina cursa da la Bike Revolution, ina seria da cursas en Svizra ch'è vegnida lantschada la stagiun passada. Schurter sez è er stà in dals cuniniziants.
A la davosa cursa da la Bike Revolution avant trais emnas a Cuira era Schurter vegnì terz. La proxima cursa da questa seria è lura il fanadur a Tavau. Avant stattan tranter auter anc sin il program las cursas da la cuppa mundiala a Lai ch'han lieu dals 9 - 11 da zercladur.
Or da l'archiv:
Gina Caluori da Panaduz fa tschintgavla
La cursa da la Bike Revolution da las dunnas ad Engelberg ha gudagnà Sina Frei avant Alessandra Keller. Mussà ina buna cursa ha er Ginia Caluori da Panaduz sco tschintgavla.
Betg stads a la partena ad Engelberg èn tranter auter Jolanda Neff sco er Mathias Flückiger, che vul defender en in'emna a Crans-Montana ses titel da campiun svizzer.
