Il podest:
- Austria
- Slovenia
- Germania
Killian Peier, Simon Ammann, Gregor Deschwanden e Dominik Peter èn vegnids otgavels en la concurrenza da team da sigl cun skis. Cun quai survegnan els in diplom olimpic. Cun quai han els er cuntanschì lur finamira minimala.
En la runda finala cunter la Russia han ils Svizzers cumenzà flaivel. Mo Gregor Deschwanden ha fatg in sigl, ch'era da cumparegliar cun lur adversari direct, la squadra russa. Ils trais auters atlets han gì sigls fitg curts.
En la segunda runda han ils Svizzers mussà bunas prestaziuns e cumpensà 40 puncts en congual cun ils Russ. A la fin èsi tuttina mo stà l'otgavel rang.