- L'Americana Mikaela Shiffrin gudogna il slalom a Jasna avant la croata Zrinka Ljutic. La svedaisa Anna Swenn Larsson cumplettescha sin il 3. rang il podest.
- Shiffrin ha pers en il 2. percurs enfin l'ultim temp ina gronda part da ses avantatg dal 1. percurs. Grazia ad in svelt traject final è l'Americana però tuttina sa messa atras 14 tschientavels avant Ljutic.
video
Rast: «N’hai betg savì che la cursa è stada uschè buna»
Or da Sport-Clip dals 21.01.2024.
laschar ir. Durada: 1 minuta 41 Secundas.
Sco meglra svizra è Camille Rast currida sin il 4. plaz ed ha manchentà il podest be per 9 tschientavels. Gist davos ella sin il 5avel e 6avel rang èn Mélanie Meillard e Michelle Gisin medemamain sa classadas en ils top 10. Elena Stoffel ha cumplettà il ferm resultat da l'equipa svizra cun il plaz 20.
Gia venderdi vai vinavant en la cuppa mundiala da las dunnas. A Cortina d'Ampezzo stat ina cursa rapida sin il program.
