Clément Noël da la Frantscha è anc stà il pli svelt en il emprim percurs. En il segund percurs ha Daniel Yule da la Svizra fatg ina svelta cursa, ed è siglì dal 30avel sin l'emprim plaz en il slalom gigant a Chamonix. El è stà 16 tschientavels pli svelt che Loïc Meillard, ch'è stà 2 tschientavels avant il Franzos Noël.
L'Austriac Manuel Feller ha manchentà il podest suenter il segund percurs. El è vegnì quart suenter Henrik Kristoffersen (NOR) ch'è stà pli svelt en il segund percurs. Timon Haughan (NOR) è dà enavos dal segund sin l'otgavel plaz suenter il segund percurs.
Ils svizzers Ramon Zenhäusern, Marc Rochat, Luca Aerni e Tanguy Nef n'han betg cuntanschì las top ten. Zenhäusern ha anc cuntanschì il 10avel plaz en l'emprim percurs.
