Mikaela Shiffrin gudogna il slalom gigant ad Are en Svezia. Questa victoria garantescha la culla pitschna da cristal dal slalom gigant per l'Americana. Vitiers egualisescha la skiunza da 27 onns il record istoric da 86 victorias en la cuppa mundiala dal skiunz svedais Ingemar Stenmark.
Il podest
- Mikaela Shiffrin (USA) 1:54,64
- Federica Brignone (ITA) +0,64 secundas
- Sara Hector (SVE) +0,92 secundas
Betg il di da las Svizras
Suenter che Lara Gut-Behrami e crudad ora en l'emprim percurs, perda la meglra Svizra Wendy Holdener 4 plaz en il segund percurs e vegn 12avla. Michelle Gisin vegn 22avla.
- 12. Wendy Holdener +2,26 secundas
- 22. Michelle Gisin +3,47 secundas
- Crodada ora: Mélanie Meillard
- gudogna per la 83avla giada, Gut-Behrami segundBetg sa qualifitgadas per il segund percurs: Simone Wild, Camille Rast, Vivianne Härri, Andrea Ellenberger e Vanessa Kaspar.
