Suenter la cursa rapida da Gröden sonda, ha oz dumengia lieu il slalom gigant ad Alta Badia. Marco Odermatt ha mussà il meglier segund percurs ed ha fatg bun ses plazzas e finì sco terz be 0,1 secundas davos l'emprim. Gudagnà ha il Norvegiais Lucas Braathen avant ses cumpatriot Henrik Kristoffersen. Il Grischun Livio Simonet ha mussà in bun segund gir ed ha fatg in sigl da la 30avla sin la 22avla plazza.
Ils resultats dals Svizzers:
- 3. Marco Odermatt (+0,10)
- 8. Justin Murisier (+1,21)
- 11. Loïc Meillard (+1,38)
- 16. Gino Caviezel (+2,01)
- 22. Livio Simonet (+3,06)
Emprim percurs
Per il dominatur da la discplina Marco Odermatt n'han las Dolomitas betg purtà fortuna en l'emprim percurs, el è restà sut ses nivel da las ultimas emnas sco 9avel. Il pli spert è stà il Sloven Zan Kranjec davant ils dus Norvegiasi Henrik Kristorffersen (+0,6 secundas) e Lucas Braathen (+0,73). Il meglier Svizzer è stà Loïc Meillard sin plazza 6.
Er il giuven Grischun Livio Simonet è da la partida per il segund percurs sco 30avel. En tut èn 5 Svizzers en ils top 30.
Ils Svizzers:
- 6. Loïc Meillard (+1,29)
- 8. Justin Murisier (+1,31)
- 9. Marco Odermatt (+1,42)
- 13. Gino Caviezel (+1,84)
- 30. Livio Simonet (+3,84)
- 31. Thomas Tumler (+3,89)
- 32. Fadri Janutin (+3,92)
- 38. Daniele Sette (+4,14)
- 50. Semyel Bissig (+5,26)
Ils segund percurs cumenza las 13:30.