Buna situaziun da partenza per ils skiunzs svizzers suenter l'emprim percurs dal slalom gigant en l'Andorra: Marco Odermatt maina cun in avantatg da passa ina secunda sin il Franzos Alexis Pinturault ed il Norvegiais Alexander Steen Olsen. Loïc Meillard è sin il tschintgavel e Gino Caviezel sin il novavel plaz. Il segund percurs cumenza a las 12:00.
Terz plaz tanscha per il record
Sch'el finescha la cursa almain sco terz rumpa el il record da Hermann Maier. L’Austriac ha fatg l’enviern 1999/2000 exact 2’000 puncts. Quai fiss pia l'emprima giada ch'in skiunz rimna en la cuppa mundiala dapli che 2'000 puncts. Per quella marca mancan il mument anc 58 puncts, cun il terz plaz dessi 60 puncts.
