Al sprint en il stil classic da la cuppa mundiala a Drammen en Norvegia, è la passlunghista svizra Nadine Fähndrich daventada 5avla en il final. La Svizra ha pers var quatter secundas sin la victura, la Norvegiaisa Kristine Stavaas Skistad. Quai è in success per Fähndrich che aveva stuì interrumper la stagiun pervia d'in tractament dal cor. Fähndrich ha gudagnà en la cursa tant ses quartfinal sco era ses mezfinal.
Tar il sprint en stil classic dals umens è il Grischun Valerio Grond crudà or en ils mezfinals. El è la finala vegnì 12avel. Gudagnà ha il Norvegiais Johannes Kläbo. Al sprint a Lathi, il cumenzament da mars, aveva Grond cuntanschì sia emprima plazza da podest en ina cursa da la cuppa mundiala cun il terz rang.
