audio
Bilantscha cun l'expert da passlung, Adriano Iseppi
ord Actualitad dals 13.12.2021.
laschar ir. Durada: 3 minutas 19 Secundas.
Gist en las cursas da distanza n’èsi betg ì sco giavischà ad atletas ed atlets da Swiss Ski. Il sulet ch’astga esser cuntent è il Vallesan Candide Pralong ch’è vegnì 16avel en la cursa da 15 kilometers en il stil liber. Dario Cologna ha en sia davosa cursa stuì sa cuntentar cun il 24avel plaz e Jonas Baumann ha schizunt manchentà ils top 30, quai suenter ch’el era anc vegnì 17avel sur la medema distanza avant in’emna a Lillehammer en Norvegia. Tut il rest è stà lunsch davent dals puncts.
En vista al punct culminant da la stagiun, ils gieus olimpics il favrer a Peking, spetga anc blera lavura sin ils Svizzers, oravant tut er per avair ina schanza en las cursas da staffetta.
