Siglir tar il cuntegn
Raeto Raffainer
Legenda: Keystone

Suenter 1 onn a la testa Raeto Raffainer betg pli CEO dal SC Berna

Tar il club da liga naziunala datti la proxima midada. Il club sa separa da ses CEO, l'Engiadinais Raeto Raffainer.

El saja surprais da la decisiun e dischillus. El na saja betg insatgi che mitscha da la responsabladad. Uschia vegn Raffainer cità en ina comunicaziun dal SCB. La direcziun operativa surpiglia per immediat puspè Marc Lüthi. El è actualmain il president dal cussegl d’administraziun dal club. Sco Marc Lüthi vegn cità en ina communicaziun sajan las ideas strategicas da Raffainer betg congruentas cun quellas dal cussegl d'administraziun.

Avant a Tavau

Raeto Raffainer ch'ha 41 onns era dapi il settember da l’onn passà CEO dal SCB. Enfin là è el stà directur da sport dal club. Avant era Raffainer stà schef da sport tar il HCD. L'entschatta dal 2021 aveva el lura bandunà il club da hockey da Tavau.

Or da l'archiv

RTR novitads 15:00

Artitgels legids il pli savens