Siglir tar il cuntegn

Header

cuntegn

Suenter trais victorias HCD perda cun 0:2 cunter Losanna

Suenter quatter victorias en seria ha il Club da hockey da Tavau da magunar l’emprima sconfitta. E quai encunter l’equipa ch’è plazzada sin plazza 12 da la tabella, il Losanna HC.

Ils emprims trais gieus da quest campiunadi cunter il Losanna HC èn adina vegnids decidids en la lutga da penaltis. Il davos gieu da la seria cunter Losanna n'era alura betg pli uschè stretg. Malgrà ch'i n'ha dà nagins gols en l’emprim terz, ed alura adina in singul gol en il segund ed en il davos terz. Il Club da Hockey da Tavau ha bain empruvà da reagir sin il retard encunter Losanna. A l’equipa grischuna n'è quai dentant betg gartegià. Era sch'il HCD ha gì en la fasa finala dal gieu duas pussaivladads da powerplay. Il puck na vuleva simplamain betg crudar en il gol da l'adversari.

Situaziun en la tabella resta buna per il HCD

Era sch'il Club da Hockey da Tavau ha pers il gieu encunter Losanna resta la situaziun dal HCD en la tabella anc adina buna. Tavau è bain crudà enavos sin plazza quatter. Quai perquai che Rapperswil ha gudagnà il gieu encunter Lugano. Il HCD è dentant vinavant sin ina plazza che garantescha la qualificaziun directa per ils playoffs.

Las ulteriuras partidas da questa saira

  • ZSC Lions – Genevra-Servette 6:5
  • Rapperswil-Jona – HC Lugano 6:2

Tabella hockey liga naziunala

Avrir la box Serrar la box

Link tar Federaziun da hockey

RTR novitads 20:00

Artitgels legids il pli savens