Siglir tar il cuntegn

Header

cuntegn

Thömus Maxon Vital Albin per in ultierur onn tar sia equipa

Il ciclist oriund da Tersnaus Vital Albin prolunghescha ses contract cun l'equipa svizra Thömus Maxon per in ulteriur onn. Tranter auter resta el uschia er collega da team da Mathias Flückiger.

Part da l'elita mundiala

L'equipa ha communitgà ch'il ciclist da 24 onns haja mussà la davosa stagiun fitg buns resultats, tranter auter cun duas medaglias d'argient al campiunadi svizzer ed ina plazza da podest a la cuppa mundiala a Leogang. En ses quart onn cun Thömus Maxon saja Albin daventà part da l'elita mundiala da mountainbike. Il schef da l'equpa Ralph Näf, s'allegria da pudair festivar anc dapli success cun ses ciclist en l'avegnir. Vital Albin appreziescha che l'equipa haja sustegnì el er en temps pli difficils.

Jau sai, ch'il team è il gist per mes svilup a lunga vista.
Autur: Vital Albin

Per il giuven Lumnezian saja er impurtant che Thömus è in'equipa svizra che promovia era ils talents giuvens. Er il contract cun il giuven ciclist da Soloturn Luke Weidmann è vegnì prolungà per in onn.

Or da l'archiv
Discurs vun Vital Albin avant il campiunadi europeic a Minca.

video
In discurs cun Vital Albin
Or da Giuventetgna dals 18.08.2022.
laschar ir. Durada: 12 minutas 23 Secundas.

RTR novitads 10:00

Artitgels legids il pli savens