Jil Teichmann ha pers a Cincinnati cunter la numera 1 dal mund, Aschleigh Barty da l’Australia, en 2 sets cun 3:6 e 1:6. Grazia a la buna prestaziun a Cincinnati ha Jil Teichmann pudì far il sigl en las top 50 dal tennis.
Avant il final aveva Jil Teichmann battì Naomi Osaka, Belinda Bencic e Karolina Pliskova. Ma Ashleigh Barty ha lura interrut la fabla da la Svizra a Cincinnati. L’Australiana n’ha betg laschà s’irritar dal gieu variabel da Teichmann e aveva tut adina sut controlla sin la plazza da tennis.
Enfin il 3:4 ha Jil Teichmann pudì tegnair pitg. Suenter l’emprim break che ha purtà al 3:5 è quai lura sa midà.